Miyako Rice ❤ 愛生活

聽說每個女孩小時候都會深愛粉紅色，到了某個年紀就會開始鍾情黑色抵制粉紅色，過了這個階段後又會重新回到粉紅色的懷抱。

近期粉紅色勢力大行其道，情人節、三生三世十里桃花、櫻花季，直捲萬千少女心扉，而澳門也悄悄有一家粉紅色cafe進駐。

座落在台山區的Peace of Cake就在Cheers Pub前面一點，明亮的色調讓人行過路過都無法忽略，整家店都在冒着粉紅色泡泡，是讓人想要戀愛的顏色啊！(心心眼)

店內枱數不算多，不過空間都算闊落，講上司壞話都唔怕比隔離枱聽到 :D

店內充滿各種可愛小物，無時無刻散發住粉紅色泡泡。

播着輕快甜蜜的K-Pop songs，彷如置身於韓劇中一樣，FF一下oppa隨時會入來坐在我對面(shyshy)

每個角落都細心用少女小物點綴，處處可以看出店主用心，讓心心情大好！

窗邊有大玻璃可以看到窗外街景，可惜出面修路有些殺風景啊⋯⋯

還有這一面玫瑰打卡牆！！！Bloom bloom bloom～係門口仲係滿口粗口的我，入到店內都要扮下淑女斯斯文文傾計。

連雪櫃都用了「草地」裝飾，花園風慣徹得超級徹底！大理石紋雲糕都好吸收人眼球呢～

藍天白雲 MOP42

在店裹影了一圈好不捨得放低相機打開餐牌乖乖地點餐，即刻來一杯飲品chill一chill先～

呢杯藍天白雲對於一個藍星球來講實在太太太治療！明亮的天藍色，加配片片浮雲，好似一片藍天在你面前！

味道嘛⋯⋯老老豆豆，無我想像中咁伏lol 飲色素就一定啦，飲落似可爾必思，唔怕甜到漏是抵讚！

星空漫步 MOP38

而朋友就點了一杯如詩如畫的星空漫步，等陣，星空呢？？？

玄機就在旁邊的蝶豆花啦，星空就係靠呢個秘密武器！

登登登登～蝶豆花會隨着pH不同而變色，一瞬間星空就呈現係我面前。

其實碟豆花飲品在泰國紅咗好耐，但係澳門好像都是不太常見。

酸辣海鮮紫粉絲沙律 MOP48

看見餐牌上色彩繽粉的照片立刻被燒着咗，要點一個來試試。

粉絲應該是用蝶豆花染色，沙律以檸檬汁、魚露及泰式香料調味，開胃又爽口！

水牛城辣雞翼 MOP38

如果你同我一樣咁矛盾，又要食cafe又要重口味，那這個水牛城雞翼你一定不能錯過。

事關因為佢真係好！夠！味！事先已經拆開成單骨雞翼，大家可以一邊食雞翼一邊保持(偽)淑女形象，好貼心！

炸得脆卜卜，外面沾滿酸辣醬，好！過！癮！唯一美中不足就是無醬點，buffalo少咗兜醬始終好似少咁啲。

鮮奶油拌波隆那肉醬意粉 MOP49

呢一碟來到我面前的時候我係完全無印象我幾時點咗呢個，做咩比舊雲比我。我頭頂都一舊雲。

一問之下才發現⋯⋯原來佢係肉醬意？？？

原來要將面頭的cream與下邊的意粉撈撈撈撈撈起，混合在一起。

有cream的肉醬意味道上更甜一點，口感也更creamy一些。

彩虹藍莓生乳酪蛋糕 MOP35

「哪裏有彩虹告訴我～能不能把我的願望還給我？」

呃⋯⋯唔好意思，太忘形忍唔住要唱下歌仔。捨棄大理石cheesecake就係為咗呢件彩虹cheesecake！

又一色素力作！但係膚淺的女人就係咁易呃，迷惑咗我眼睛我就只好乖乖繳出鈔票。

底下藍莓味好fresh不太甜，微酸的味道令cheesecake的層次更豐富，應該是自家煮的藍莓。

同埋⋯⋯其實食落都唔錯的，沒有色素＝伏的常規套路。

嗱老老豆豆，起初來這家店的確是為了打卡的，但係澳門cafe來講這家店價錢堅抽貼地，學生哥校服妹都負擔得起。

亦不是純粹得個樣，打完卡無下次。BTW連廁所都十分少女心，我唔影啦，快啲拉埋你好姊妹手拖手一齊去廁所啦。

最後來一張大合照！多謝朋友願意陪我等到所有食物到齊，冰都融得七七八八先食～

我知道同我食飯唔容意，小妹衷心再次感謝每一位唔嫌棄我，仲願意同我食飯的善長人翁！

店舖資訊

2823 7137

澳門巴波沙坊新城市花園十座地下G