Miyako Rice ❤ 愛生活

又一次好久沒有登入自己的blog，快要連密碼都忘記了lol

拍了一個禮拜微電影，又風流快活了十一天，現在考試在即大難臨頭！

然而我決定拉上老友去食下午茶，只因⋯⋯

悅茶新語 自助下午茶 MOP219+/位 供應時間為每日2-6pm

太靚啦太靚啦太靚啦！根本靚到犯規！！！！！

君悅酒店經Mezza9後又一力作，將自己話事帶到下午茶，看來誓死到攻陷少女（以及為少女們埋單的男士）市場啊。

靚到連最近摺到不能再摺的我都受不住誘惑，強行拉上最近一起摺的老友記去嘆個茶。

地點在君悅酒店的Lobby Lounge，睇到眼花瞭亂先唔好驚，一入坐即有人為你介紹下午茶各項佳品啦，跟我行啦。

白朱古力布朗尼、唔記得乜嘢、荔枝玫瑰忌廉、都唔記得乜嘢、綠茶牛奶、芒果椰子

各式蛋糕花呢花碌，仲有四款碟比你襯色襯心情襯埋衫咁襯都得啊，小心影到餓扁肚都未影飽部相機啊。

我就係咁而試咗三款。

綠茶味唔算出，勝在layer夠多口感豐富，荔枝玫瑰味道幾清新，但mousse比例太重，食完會小膩。

總體而言都唔錯的，單點的話KO幾件一定冇問題，但擺落tea buffet到大家就要就住自己胃容量啦。

自到waffle又好情不自禁咁去order一份，原味綠茶味任君選擇。

仲有唔同sauce唔同syrup唔同topping，當件waffle係畫布咁慢慢畫都得啊！

我知眼利嘅你一定唔會放過窩夫上邊件雪糕！幾款唔同口味北海道雪糕任你揀：綠茶，草莓，朱古力，雲呢嗱。

齋食又得，加生果加sauce一齊食亦得，擺上件waffle上邊一齊食都得～得咗！

Waffle機旁邊就係bagel，當然唔可以放過！

Bagel煙煙韌韌，外層甜甜地～可以自己加sour cream，三文魚唔夠喉？咁咪夾多幾塊囉。

食到滯滯到，攞杯生果潔淨一下味蕾，然後重新上路繼續作戰！

好多好多唔同味道的tiramisu～原味、Oreo、椰子、紅絲絨、抹茶～

我還蠻喜歡紅絲絨口味的，恰到好處的甜和軟綿幼滑的口感！

還有看顏色絕對猜不到味道的馬卡龍！𦼦色是咖啡，綠色是伯爵茶，紅色是玫瑰草莓，橙色是黃杏。

連很少見的cannoli都有呢！！！甜品控有福了！

兩支巨型版雪茄身型的cannoli，蛋卷裹着奶油餡，少許heavy噢～

葡撻好歹也是澳門小食界一姐，此處怎會少了它的身影？

嗯⋯⋯在葡一年我的舌頭被無數被葡式甜品洗禮，結論是覺得甜。然而半流質的餡料質感確實不錯。

即式是下午亦需要咸食的平衡！有菠菜和洋蔥批，quiche我來啦！

批身香口不膩，芝士更是點睛之作，兩種味道都有試，個人而言更喜歡菠菜味。

Scones～是我最的愛scones～一旁就有爐焗，大家不必擔心溫度的問題，上桌時scones一定是暖笠笠的！

口感鬆軟，口惜clotted cream稍遜，不夠香滑。

所有茶和咖啡都free flow。中式茶、西式茶甚至日本茶都有，選擇不少。

而earl Grey永遠是我的好朋友。

最近給了自己太多機會偷懶，實在要抽個時空清一清稿啊⋯⋯（生無可戀mode）

店舖資料

Lobby Lounge @ Grand Hyatt Hotel

澳門君悅酒店一樓

8868 1131